Sunnudagurinn 9. júní

Messa kl. 11.

Skagfirðingum er sérstaklega boðið í messu.

skagafjordurSr. Bjarni Þór Bjarnason, sóknarprestur, sem á ættir sínar að rekja í Skagfjörð messar. Friðrik Vignir Stefánsson er organisti. Halldór Unnar Ómarsson leiðir almennan safnaðarsöng.  

Kaffihlaðborð eftir messu, þar sem Skagfirðingar jafnt sem aðrir kirkjugestir geta spjallað og blandað geði. Friðrik Vignir ætlar að taka í nikkuna undir borðum og fólk getur tekið lagið.  

Í anddyri kirkjunnar er sýning á ýmsum fögrum útskornum hlutum er Timburmenn hafa gert, en þeir eru eldri bæjarbúar er hittast reglulega á veturna og stunda smíðar og útskurð.

Sjómannadagurinn 2. júní í Seltjarnarneskirkju

Guðsþjónusta kl. 11.

baturSjómenn lesa ritningarlestra. Sr. Bjarni Þór Bjarnason, sóknarprestur, þjónar, ásamt Friðriki Vigni Stefánssyni, organista. Félagar úr Kammerkór kirkjunnar syngja. Þorsteinn Þorsteinsson syngur einsöng. Væntanleg fermingarbörn haustsins hvött til að mæta ásamt foreldrum sínum. Veitingar.

Sunnudagurinn 26. maí

Messa kl. 11 tileinkuð umferðaröryggi.

aksturStarfsmenn á Bílaverkstæði Ella taka þátt ásamt Sigurði Helgasyni hjá Umferðarstofu. Jón Oddgeir Guðmundsson segir frá bílabæninni sem hann hefur gefið út í 40 ár.
Sr. Bjarni Þór Bjarnason, sóknarprestur,  þjónar ásamt Friðriki Vigni Stefánssyni, organista. Félagar úr Kammerkór kirkjunnar leiða almennan safnaðarsöng.

Sýning í anddyri kirkjunnar tengd umferðaröryggi.
Kaffihlaðborð að messu lokinni.
Allir hjartanlega velkomnir!