Grannaguðsþjónusta 13. maí og Jóhann Helgason heiðraður

Grannaguðsþjónusta var haldin í Seltjarnarneskirkju 13. maí. Íbúar áAusturströnd, Eiðistorgi, Hrólfsskálavör og Steinavör tóku virkan þátt. Annna Hafsteinsdóttir er býr á Austurströnd og Eiríkur Örn Arnarson er býr á Hrólfsskálavör lásu ritningarlestra. Jóhann Helgason, tónlistarmaður og tónskáld var heiðraður í guðsþjónustunni. Sóknarprestur spurði hann umtónlistarferilinn um miðbik guðsþjónustunnar sem spannar 40 ár um þessar mundir.  Jóhann er íbúi á Austurströnd. Lög hans voru leikin og sungin í guðsþjónustunni. Kammerkór kirkjunnar söng tvö lög eftir Jóhann og hann sjálfur söng með þeim í þriðja laginu sem er við texta er fjallar um Seltjarnarnesið. Forspil og eftirspil voru lög eftir Jóhann. Sigríður Sigurjónsdóttir, íbúi á Austurströnd, las almenna kirkjubæn. Í lokguðsþjónustunnar kallaði sóknarprestur upp fulltrúa barna í 4. og 5. bekkí Mýrarhúsaskóla, er teiknað höfðu myndir um vatnið. Sýning á myndum þeirra var opnuð formlega í safnaðarheimili kirkjunnar. Eftir athöfnina buðu íbúar fyrrnefndra gatna upp á glæsilegar veitingar

.

Eldri borgarar af Nesinu heimsækja Grafarvogskirkju

Rúmlega 40 manns, eldri borgarar af Nesinu, sóknarprestur, kirkjuverðir, og sóknarnefndarmenn heimsóttu Grafarvogskirkju 8. mars síðastliðinn. Sr. Sigurður Grétar Helgason og sr. Lena Rós Matthíasdóttir tóku á móti hópnum með bros á vör.  Naut hópurinn ríkulega gestrisni starfsfólks Grafarvogskirkju.

Sr. Vigfús Þór Árnason sagði frá sögu safnaðar og kirkju. Hákon Leifsson, organisti lék ndir sámasöng. Guðmundur Einarsson, formaður sóknarnefndar Seltjarnarnessóknar þakkaði fyrir góðar móttökur og afhenti sr. Vigfúsi Þór glæsilega innrammaða ljósmynd af Seltjarnarneskirkju ásamt blómvendi og korti.

Gestirnir skoðuðu hina stóru og glæsilegur Grafarvogskirkju og heimsóttu Borgarbókasafnið sem er neðri hæð kirkjunnar. Sr. Vigfús Þór fór með hluta hópsins niður að Grafarvogi og sagði frá umhverfi og sögu Grafarvogs.

Samverunni lauk með kaffisamsæti sem þær Anna Einarsdóttir og Þórkatla Pétursdóttir, kirkjuverðir, höfðu undirbúið. Kaffiveitingarnar voru glæsilegar í alla staði.

Myndir frá messu þann 6. maí

Guðsþjónusta um vatnið. Hallgrímur Magnússon, heilsugæslulæknir fjallaði um vatnið í líkamanum í ljósi nýjustu rannsókna. Sóknarprestur prédikaði um vatnið í Biblíunni. Haukur Björnsson, fyrrverandi formaður
sóknarnefndar las ritningarlestra og sagði jafnframt frá starfi Timburmanna sem er hópur völunda er vinnur listaverk í tré með útskurði og fleiru. Sjálfur hefur Haukur smíðað forláta langspil sem hann spilar á með boga úr hrosshári. Hann gaf nokkur tóndæmi í kirkjunni. Fjórir félagar hans voru kallaði fram og þeim færðar þakkir fyrir listaverk þeirra sem eru á sýningu í forkirkjunni og safnaðarheimilinu. Þá er einnig sýning um vatnið í kirkjunni.

Félagar úr Kammerkór kirkjunnar sungu undir stjórn organistans Friðriks Vignis Stefánssonar. Eftir athöfn var öllum boðið að þiggja veitingar í safnaðarheimili, vatnsdeigsvínarbrauð sem voru í boði Björnsbakarís og vatnsflöskur í boði Vífilssfells. Við þökkum fyrir framlög þessara fyrirtækja.

Myndir frá safnaðarstarfi 28.-29. apríl


Lok listahátíðar Seltjarnarneskirkju voru laugardaginn 28. apríl.
Kammerkór Seltjarnarneskirkju söng undir stjórn Friðriks Vignis Stefánssonar. Sinfóníuhljómsveit áhugamanna lék undir sönginn ásamt Kára Þormar orgelleikar.

Guðsþjónustan 29. apríl var fjölsótt. Öðlingarnir spiluðu stórsveitarjass.
Selkórinn söng. Sr. Hildur Sigurðardóttir, fyrrverandi prestur við Seltjarnarneskirkju prédikaði. Sóknarprestur þjónaði fyrir altari.
Organisti þjónaði og stjórnaði kórnum. Boðið bar upp á ljómandi veitingar eftir athöfn, hjónabandssælu, eplaköku og jólaköku.

Kl. 12.30 hófust gömlu dansarnir í Norðurkjallara kirkjunnar sem þrír karlar úr Karlakúbbi kirkjunnar hafa málað, þeir Jón Jónsson, Gunnar Gunnarsson og Stefán Olgeirsson. Norðurkjallarinn er allur hinn glæsilegasti. Þeir Friðrik Vignir Stefánsson lék á harmóníku, Sigurður J. Grétarsson lék á gítar og Dýri Guðmundsson á bassa. Dansinn dunaði og allir glöddust við dansinn um hríð. Guðrún Lára Ásgeirsdóttir stjórnaði dansinum.

Grannaguðsþjónusta og listahátíð 22. apríl

Grannaguðsþjónustan hófs kl. 11 með þátttöku íbúa á Melabraut, Miðbraut, Vallarbraut, Valhúsabraut og Unnarbraut. Ritningarlestra lásu þær Sigríður Sigmarsdóttir er býr á Miðbraut og Elísabet Jónsdóttir er býr á Vallarbraut. Jón Jónsson er býr á Melabraut flutti hugleiðingu.
Sóknarprestur og Bjarni Þór Jónatansson, organisti þjónuðu ásamt félögum í Kammerkór kirkjunnar. Glæsilegt kaffihlaðborð var eftir guðsþjónustu í boði íbúa fyrrnefndra gatna. Við þökkum fyrir það.

Kl. 17 hófst dagskrá á listahátíð í kirkjunni. Sr. Hjálmar Jónsson flutti erindi um Biblíuna og stjórnmálin. Sólveig Pálsdóttir, leikkona, las kvæði eftir Grím Thomsen og Hannes Hafstein. Agnes Amalía Kristjónsdóttir, sópran og Jóhanna Héðinsdóttir, messósópran sungu trúarlög lög við undirleik Renötu Ivan. Ólafur Egilsson stjórnaði samkomunni.