Vel heppnuð safnaðarferð í Skagafjörð

 

Hún var vel heppnuð safnaðarferðin í Skagafjörð dagana 20.-21. apríl síðastliðinn. Rúmlega 30 manns fóru í ferðina.

Haldið var af stað frá Seltjarnarneskirkju kl. 9 á laugardagsmorgni. Hilmar Hilmarsson ók hópnum á lúxusrútu sinni. Hilmar er Skagfirðingur og var sláturhússtjóri á Sauðárkróki á árum áður. Guðmundur Einarsson, formaður sóknarnefndar sagði hópunum frá ýmsu er tengdist Borgarfirði.  Hópurinn áði í Staðarskála í Hrútafirði. Að því loknu var ekið í blíðskaparverði í Skagafjörðinn þar sem sr. María Ágústsdóttir sagði æsku sinni í firðinum.  Komið var við á Víðimýri og hin fagra torfkirkja skoðuð.

Fjölmenn fermingarmessa

 

Myndir frá fjölmennri fermingarmessu í Seltjarnarneskirkju 14. apríl kl. 13.30. Alls fermdust 14 unglingar. Sr. Bjarni Þór Bjarnason, sóknarprestur, fermdi. Friðrik Vignir Stefánsson, organisti þjónaði ásamt félögum úr Kammerkór kirkjunnar. 230 manns voru við athöfnina.

Sýning Bjargar Ísaksdóttur

Sýning Bjargar Ísaksdóttur á penna-, vatnslita- og krítarteikningum var opnuð 14. apríl í safnaðarsal Seltjarnarneskirkju. Sýningin stendur yfir til 31. maí.

Frá grannaguðsþjónustu 14. apríl

 

Íbúar á Skólabraut, Kirkjubraut, Austurströnd og í Bakkavör tóku þátt í grannaguðsþjónustu. Steinunn Enarsdóttir las bænir. Margrét Albertsdóttir og Erna Kolbeins lásu ritningarlestra. Sr. Bjarni Þór Bjarnason, sóknarprestur, og Friðrik Vignir Stefánsson þjónuðu. Ragnheiður Sara Grímsdóttir leiddi almennan safnaðarsöng. Sunnudagaskólinn var á sama tíma í kirkjunn.

Í athafnarinnar kallaði sóknarprestur Björgu Ísaksdóttur, myndlistarkonu,  upp að púltinu og spurði hana út í sýningu hennar sem opnuð var í safnaðarheimili kirkjunnar. Sýningin mun standa yfir til 31. apríl. Íbúar fyrrnefndra gata komu með glæsilegar veitingar með kaffinu. Hlaðborðið var líkast fermingarveislu. Við þökkum kærlega fyrir framlag íbúann

Líf og fjör í barnastarfi Seltjarnarneskirkju

 

Líf og fjör er í starfi fyrir 6-9 ára börn í Seltjarnarneskirkju. Starfið er vikulega seinni partinn á mánudögum undir styrkri stjórn Pálínu Magnúsdóttur, Erlu Þórisdóttur og Kristínar Magnúsdóttur.