Ferðin í Engey fellur niður. Björgunarsveitarmenn treysta sér ekki að flytja fólk út í Engey vegna vöntunar á mannskap. Ferðin verður farin síðar.
Guðsþjónusta verður haldin í Seltjarnarneskirkju á morgun (20. ágúst) kl. 11. Sóknarprestur þjónar og organisti kirkjunnar leikur á orgelið. Halldór Blöndal, fyrrverandi ráðherra, spjallar um Engey. Það er nokkurs konar upphitun fyrir Engeyjarferð síðar.
Veitingar eftir athöfn.
Sunnudaginn 20. ágúst er áætlað að fara í safnaðarferð út í Engey ef veður leyfir. Við ætlum að leggja upp frá Grandagarði 14 í Reykjavík, þar sem Björgunarsveitin Ársæll hefur björgunarskipið sitt.
Áætlað er að sigla frá landi kl. 11 með björgunarskipinu og út að Engey, þar sem fólk fer um borð í slöngubát til að komast í land. Björgunarsveitarmenn munu aðstoða fólk til að komast í slöngubátinn og úr honum. Fólk þarf að mæta í stígvélum og regnfatnaði.
Organisti Seltjarnarneskirkju mun koma með harmónikkuna. Áætlað er að hafa helgistund í eyjunni þar sem sóknarprestur flytur stutta hugleiðingu.
Engey var í lögsagnarumdæmi Seltjarnarness til ársins 1974. Vitinn í Engey blasir við úr safnaðarsal Seltjarnarneskirkju. Segja má, að Seltjarnarneskirkja og vitinn í Engey kallist á. Svo stutt er loftlínan á milli þessara bygginga.
Fólk þarf að skrá sig í ferðina og hringja í síma 899-6979 í síðasta lagi laugardaginn 19. ágúst.
Ferðin kostar krónur eitt þúsund fyrir fullorðna og krónur fimm hundruð fyrir börn. Eftir helgistundina er öllum boðið upp á samlokur og drykk.
Ef veður verður vont og ekki hægt að sigla út í Engey verður guðsþjónusta í Seltjarnarneskirkju kl. 11.
Sr. Bjarni Þór Bjarnason þjónar
Organisti er Friðrik Vignir Stefánsson
Félagar úr Kammerkór Seltjarnarneskirkju syngja
Borð með litum og blöðum fyrir börnin
Kaffiveitingar og samfélag eftir athöfn
Sjáumst á sunnudaginn í kirkjunni okkar!