Guðsþjónusta á sjómannadaginn 11. júní 2017

 sjomannadagurinn

Guðsþjónustan hefst kl. 11. Prestur er sr. Bjarni Þór Bjarnason. Organisti er Bjarni Þór Jónatansson. Guðrún Lóa Jónsdóttir leiðir almennan safnaðarsöng. Kaffi og terta í boði Nesskips eftir athöfn.

Komum og gleðjumst saman á sjómannadaginn.

Hvítasunnudagur 4. júní

Hátíðarmessa kl. 11.
Prestur er sr. Bjarni Þór Bjarnason. Organisti er Friðrik Vignir Stefánsson.
Félagar úr Kammerkór Seltjarnarneskirkju leiða almennan safnaðarsöng.
Veitingar eftir messu í anda hvítasunnudags.

Sunnudagurinn 28. maí 2017

Fræðslumorgunn kl. 10

Auður Styrkársdóttir, stjórnmálafræðingur og forstöðumaður Kvennasögusafns Íslands
Konan á bakhliðinni: Valgerður Jónsdóttir biskupsfrú og allar hinar konur Íslands. 

Guðsþjónusta kl. 11

Sóknarprestur þjónar og organisti kirkjunnar leikur á orgelið.
Eygló Rúnarsdóttir leiðir almennan safnaðarsöng.
Kaffiveitingar og samfélag eftir athöfnina.  

Ferð eldri bæjarbúa 25. maí

Ferð eldri bæjarbúa á Álftanes 25. maí á upppstigningardag

Farið verður frá Seltjarnarneskirkju kl. 10.15 með rútu. Messa verður í Bessastaðakirkju sem hefst kl. 11. Sr. Hans Guðberg Alfreðsson, prestur á Álftanesi, tekur á móti hópnum. Sr. Bjarni Þór Bjarnason predikar.

Eftir messuna bjóða Álftnesingar upp á veitingar í safnaðarheimili sínu. Þar verður einnig boðið upp á skemmtiatriði. Seltirningar eru að endurgjalda heimsókn Álftnesinga í Seltjarnarneskirkju í fyrra.

Ferðin er ókeypis en fólk þarf að skrá sig í ferðina og hringja í síma 561-1550 eða 899-6979.