Aðventuferð í Fjóshelli við Ægissíðu kl. 15

Farið verður kl. 15 frá Seltjarnarneskirkju að bænum Ægissíðu við Hellu. Efnt verður til aðventustundar í Fjóshelli sem er elsti samkomustaður kristins fólks á Íslandi frá 8. öld. Karl Sigurbjörnsson biskup kemur með í ferðina og verður með hugleiðingu í hellinum. Söngur við kertaljós. Fólk er beðið að taka með sér klappstól eða garðstól sem hægt er að fella saman. Fólk er líka beðið að klæða sig vel. Eftir stundina í Fjóshelli verður farið í safnaðarheimilið á Hellu og boðið verður upp á grjónagraut. Að því loknu verður haldið af stað í bæinn og komið tilbaka á bilinu kl. 20 til 20.30.

Ferðin kostar kr. 6 þúsund fyrir manninn. Inni í því verði er rúta, gjald fyrir hellinn og matur.

Þeir sem hafa áhuga þurfa að skrá sig fyrirfram í síma 899-6979 í síðasta lagi fyrir hádegi föstudaginn 10. desember.