Hátíðarhelgistund í streymi á fésbókarsíðu Seltjarnarneskirkju kl. 08.00 árdegis. Sr. Bjarni Þór Bjarnason þjónar. Friðrik Vignir Stefánsson er organisti. Þóra H. Passauer syngur. Sveinn Bjarki Tómasson er tæknimaður.
Fólk getur hringt í síma 561-1550 frá kl. 07.00 árdegis og tilkynnt sig í helgistundina. Pláss er fyrir 60 manns í tveimur sóttvarnarhólfum sem hvort um sig tekur 30 manns.
Föstudaginn langa 2. apríl nk. kl. 13 til um kl. 18 mun 25 manna hópur lesa kveðskap sr. Hallgríms Péturssonar, þar sem skáldið rekur aðdraganda krossfestingar Krists, ásamt spaklegum útleggingum og hollráðum, sem þjóðin hefur í margar kynslóðir talið sér til góðs að hugleiða, ekki síst í nánd við páska.
Passíusálmunum verða einnig streymt á Facebook frá fésbókarsíðu Seltjarnarneskirkju.
Það verða tvö 30 manna sóttvarnasvæði þar sem gestir geta verið viðstaddir lesturinn samkvæmt sóttvarnarreglum. Kirkjugestir þurfa að hringja og skrá sig í síma 561-1550 frá kl. 11 um morguninn.